काठमाडौँ, १२ बैशाख । नेपालगन्जमा गोली चलेको छ ।
जिल्ला प्रहरी कार्यालय बाँकेका अनुसार आज हवाईफायर गरी तीन लागुऔषध ‘कारोबारी’लाई पक्राउ गरेको छ ।
नेपालगन्ज उपमहानगरपालिका–२२ स्थित शान्तिनगरचोकनजिक तीन राउन्ड हवाईफायर गरेर नेपालगन्ज–२२ का ३५ वर्षीय नुरमोहम्मद किंगरिया, सोही स्थानका २८ वर्षीय दिनेश बासखोरी र २९ वर्षीय सरोश शाहीलाई नियन्त्रणमा लिइएको हो । पक्राउ परेकाहरूको साथबाट ३७० ग्राम ब्राउन सुगर समेत प्रहरीले बारमद गरेको छ ।
धेरै दिनको प्रयासपछि उनीहरूलाई पक्राउ गर्न सफल भएको र उनीहरूविरुद्ध जिल्ला अदालतबाट म्याद थप गराई अनुसन्धान गरिने प्रहरीले जनाएको छ ।
