(साउन १४, काठमाडौँ) । महाकाव्य ‘इन्द्रकुमारी’ थापागाउँस्थित लेखनकुञ्जमा कवि डा. देवी नेपालद्वारा विमोचन समारोह सम्पन्न गरिएको छ ।
इन्द्रकुमारी, अर्थात पृथ्वीनारायण शाहकी जेठी रानी । उनै रानी इन्द्रकुमारीलाई केन्द्रमा राखेर सर्जकअशोकनाथ तिवारीले महाकाव्य लेखेका छन् ।
ईन्दकुमारीका महाकाव्यका लेखक कवि अशोकनाथ तिवारीले सानै बेला देखि पृथ्वीनारायण शाहको बारेमा आफुले पढेको तर इन्द्रकुमारी को बारेमा पढ्दा पटक पटक रोकिएको, ईन्द्रकुमारीलाई भएको अन्यायले आफुलाई पोलेकोले ईन्द्र्रकुमारी महाकाव्यको सृजना हुन गएको बताए ।
तसैगरी सो समारोहमा कवि प्रभा भट्टराई, कवि डा.रामप्रसाद ज्ञवालीले महाकाव्यमाथि आफ्नो धारणा राखेका थिए । लेखन र प्रकाशनका बारे बताउदै कमला तिवारीले कवि र कविता नेपाली साहित्यको मात्र नभई अर्थतन्त्रको पनि अंग बन्नुपर्ने वताइन् ।
कविता ईन्द्रकुमारी सिमल बुक प्रकाशनले प्रकाशन गरेको हो ।
