काठमाडौँ, २२ जेठ । तत्कालीन गृहमन्त्री सुधन गुरुङले मन्त्री हुँदा सार्वजनिक गरेको सम्पत्ति र सेयर लगानीको स्रोतमा प्रश्न उठेपछि छानबिनका लागि गठित समितिले प्रधानमन्त्री बालेन्द्र शाह (बालेन)लाई प्रतिवेदन बुझाएको छ ।
आज समितिका पदाधिकारी प्रधानमन्त्री कार्यालय सिंहदरबार पुगेर प्रतिवेदन बुझाएका हुन् । छानबिन समिति सदस्य रहेका सहन्यायाधिवक्ता अच्युतमणि नेउपानेका अनुसार छानबिनको प्रक्रिया सकेर प्रधानमन्त्री कार्यालयमा प्रतिवेदन बुझाएका हो ।
उनले प्रतिवेदन ४५ पृष्ठको रहेको जनाएका छन । ४५ पृष्ठको प्रतिवेदनमा धेरै कुराको सुझाव दिइएको छ । प्रधानमन्त्रीबाट सार्वजनिक गर्ने कुरा आएको उनले बताए ।
मन्त्रिपरिषद्को २०८३ वैशाख २८ गतेको बैठकले उच्च अदालतका पूर्वन्यायाधीश अच्यूतप्रसाद भण्डारी अध्यक्ष, महालेखा नियन्त्रक शोभाकान्त पौडेल र सहन्यायाधिवक्ता नेउपाने सदस्य रहने गरी समिति गठन गर्ने निर्णय गरेको थियो ।
