काठमाडौँ, ५ जेठ । कास्की कारागारबाट फरार भएका एक कैदी बागलुङमा मोबाइल चोरी गरेको अभियोगमा पुनः पक्राउ परेका छन् ।
जिल्ला प्रहरी कार्यालय बागलुङका पक्राउ पर्नेमा बागलुङ नगरपालिका वडा नम्बर ७ बस्ने ३४ वर्षका मिठु किसान भन्ने सुरेश बोहोरा रहेका छन् । उनी जेनजी आन्दोलनको क्रममा कास्की कारागारबाट भागेका थिए ।
बोहोरालाई बागलुङ जिल्ला अदालतको २०८० साल जेठ २ गतेको आदेशले नकबजनी चोरी मुद्दामा तीन वर्ष एक महिना कैद र ३० हजार रुपैयाँ जरिवाना हुने गरी फैसला सुनाएको थियो । सोही फैसला बमोजिम कारागार कार्यालय कास्कीमा थुनामा रहेका उनी आन्दोलनको मौका छोपेर कारागारबाट भागेका थिए ।
फरार रहेका बोहोराले मिति गत जेठ १ गते दिउँसोको समयमा बागलुङ नगरपालिका वडा नम्बर २ शिवधाराचोकस्थित खड्क बहादुर खत्रीको पसलबाटको मोबाइल चोरी गरेर भागेका थिए । मोबाइल चोरी गरेर भागेको सोही कसूरमा प्रहरीले उनलाई पुनः पक्राउ गर्न सफल भएको हो ।
पक्राउ परेका बोहोरामाथि चोरी कसूरमा बागलुङ जिल्ला अदालतबाट पाँच दिनको म्याद थप अनुमति लिई अहिले थप अनुसन्धान कार्य भइरहेको छ ।
