काठमाडौँ, १९ साउन । मकवानपुरको सिस्नेरीमा सुमो पल्टिँदा १० जना घाइते भएका छन् ।
जिल्ला प्रहरी कार्यालय मकवानपुरका अनुसार हेटौँडा काठमाडौँ जोड्ने छोटो दुरीको कुलेखानी–सिस्नेरी काठमाडौँ सडक खण्ड अन्तर्गत इन्द्रसरोवर गाउँपालिका–३ सिस्नेरीमा अनियन्त्रित भइ सुमो पल्टिएको हो ।
शनिबार बिहान ७ः२० बजेको समयमा जिल्ला मकवानपुर सो स्थानमा काठमाडौँबाट वीरगन्ज तर्फ आउँदै गरेको मधेस प्रदेश ०३–००१ ज ०३६२ नम्बरको सुमो आफै अनियन्त्रित भई सडकको नाला साईडमा पल्टिएको प्रहरीले जनाएको छ । सुमो पल्टिदा सुमोमा सवार चालक सहित १० जना घाइते भएका छन् ।
घाइते मध्ये ३ जना गम्भीर र ७ जनाको अवस्था मध्यम रहेको छ । उनीहरूलाई उपचारको लागी काठमाडौँ तर्फ पठाएको छ । प्रहरीका अनुसार घटनास्थल प्रहरी चौकी सिस्नेबाट २ किलोमिटर उत्तरतर्फ पर्दछ ।
