काठमाडौँ, २२ साउन । धिताेपत्र बजारमा काराेबार मापक नेप्से परिसूचक बिहीबार १ दशमलव २९ अङ्कले घटेको छ ।
नेप्से परिसूचक घटेर १३ सय ८१ दशमलव ३७ अङ्कमा झरेको नेपाल स्टक एक्सचेन्ज लिमिटेडले जनाएको छ ।
आज बैंक, व्यापार, होटल, जलविद्युत्, अन्य, माइक्रोफाइनान्स र म्युचल फण्डका उपसूचक घटेका छन् । होटल, विकास बैंक, फाइनान्स, निर्जीवन बीमा, उत्पादन र जीवन बीमा समूहका उपसूचक भने बढेका छन् । बिहीबार दिनभर ९२ करोड नाै लाख रुपैयाँ बराबरका २३ लाख ४१ हजार कित्ता शेयर किनबेच भएका छन् ।
आज नेपाल रिइन्स्योरेन्स कम्पनी लिमिटेडको सबैभन्दा धेरै ११ करोड १८ लाख रुपैयाँ बराबरका शेयर कारोबार भएको छ । गुराँस लघुवित्त वित्तीय संस्था लिमिटेडका शेयर लगानीकर्ताले १० प्रतिशत कमाएको दिन महिला सहयात्रा लघुवित्त वित्तीय संस्था लिमिटेडका शेयर लगानीकर्ताले ६ प्रतिशत गुमाएका छन् ।
