काठमाडौँ, ८ साउन । साताको अन्तिम कारोबार दिन सेयरबजार हरियो भएको छ । आज नेप्से परिसूचक १०.१३ अंकले र सेन्सिटिभ सूचक शून्य दशमलव ७४ अंकले बढेको हो ।
आज १ अर्ब ३२ करोड ७१ लाखको सेयर कारोबार भएको नेपाल स्टक एक्सचेन्जले जनाएको छ । नेप्सेका अनुसार १ सय ८७ कम्पनीको कारोबार भएकामा ३३ लाख ९२ हजार कित्ता सेयर बिक्री भएका छन् । आज २८ हजार ६ सय ४९ पटक खरिदबिक्री भएका थिए ।
कुल १२ समूहको कारोबार भए पनि १० वटाको कारोबार सूचक हरियो हुँदा म्युचुअल फन्ड र विकास बैंकको सूचक रातो भएको छ । आज दुईवटा कम्पनीको १० प्रतिशतले र तीनवटाको ९ प्रतिशतले सेयर मूल्य बढेको छ ।
त्यस्तै सेयर मूल्य घट्ने कम्पनीहरुमा भने अधिकतम ५.३६ प्रतिशतसम्मले घटेको छ । आज तारागाउँ रिजेन्सी होटलको सेयर २१ रुपैयाँ प्रतिकित्ताले र मिर्मिरे माइक्रोफाइनान्स डेभलपमेन्ट बैंकको प्रतिकित्ता ६२ रुपैयाँले सेयर मूल्य बढेको छ ।
