पोखरा, १५ पौष । कवि रोशनी गुरुङको कविता संग्रह ‘स्वर्गको एक फन्को’ पोखरामा लोकार्पण भएको छ ।
पोखरामा साहित्य र पत्रकारितामा सक्रिय गुरुङले आफ्नो जन्मदिनको अवसर पारेर मादी गाउँपालिका अध्यक्ष वेदबहादुर गुरुङ, सीता गुरुङ, प्रकाश ज्ञवाली, गौरी तमुले कृतिको लोकार्पण गरेका हुन् ।
कृतिबाट २ कविता कवि माया घताने गुरुङ, रीता अधिकारीले वाचन गरेका थिए । कवि गुरुङले आफू कविता सिकिरहेको र आफ्नो कविता जाँच्न संग्रह प्रकाशन गरेको बताइन् । गुरुङ साहित्य महोत्सवले प्रकाशन गरेको कृतिको मूल्य २ सय रुपैयाँ तोकिएको छ ।
