काठमाडौँ, २३ असार । विज्ञान कथाकार तथा पत्रकार लोकमणि पौडेलद्वारा लिखित अग्निदहन उपन्यासको लोकार्पण गरिएको छ ।
उपन्यासकार लोकमणि पौडेलले समाजमा भइरहेका घटना नजिकबाट अध्ययन गरेर उपन्यास लेखेको बताउँदै यसलाई पूरा गर्न ५ वर्ष लागेको बताए । पूर्वप्रधानन्यायाधीश सुशीला कार्कीसँगै विशिष्ट व्यक्तिहरुले उक्त कृतिको लोकार्पण गरेका हुन् ।
उपन्यासमा २०६७ सालदेखि २०७२ सालसम्मका घटनाहरु समावेश भएको र ती सत्य घटनामा आधारित भएको पनि उनले बताए । गोरखा पब्लिकेशन्स प्रालिद्वारा प्रकाशित अग्निदहन उपन्यास १७६ पृष्ठको छ र यसको मूल्य ३ सय २५ रुपैयाँ राखिएको छ ।
