काठमाडोँ, ३१ जेठ । ‘सुरक्षित रगत सबैका लागि’ भन्ने नाराकासाथ आज जुन १४ अर्थात विश्व रक्तदाता दिवस नेपालमा पनि मनाइँदैछ ।
मानिसको रक्त समूह पत्ता लगाउने चिकित्सक कार्ल ल्याण्डस्टिनरको जन्मदिन पारेर सन् २००४ देखि हरेक वर्ष जुन १४ तारिखमा यो दिवस मनाउने गरिन्छ ।
दिवसको अवसरमा सरकारी तथा गैरसरकारी संघ संस्थाले अन्तरक्रिया, प्रभातफेरीलगायतका सचेतनामूलक कार्यक्रम गर्दैछन् । दिवसलाई नयाँ रक्तदाताका रुपमा युवाहरुलाई उत्प्रेरित गर्ने र नियमित रक्तदाताहरुलाई सम्मानगर्ने अवसरको रुपमा समेत लिने गरिएको छ ।
नेपालमा पहिलोपटक समाजसेवी दयावीरसिंह कंशाकारले रक्तदान गरेका थिए ।
