(साउन २९, बीबीसी) । अमेरिकामा पार्किङ गरिराखेको हवाइजहाज चोरले उडाएर लगेको छ ।
बीबीसीको अनुसार अमेरिकाको सिएटल विमानस्थलमा पार्क गरेर राखेको बिमान एकजना एयरलाइन्सका कर्मचारीले गत हप्ता शुक्रबार अनधिकृत रुपमा उक्त विमानभित्र प्रवेश गरी त्यसलाई उडाएर लगे । २९ वर्षका ती व्यक्तिको नाम खुलाइएको छैन ।
होरिजन एयरको क्यू ४०० नामक उक्त विमानलाई चोरी गरी उडाइएपछि दुई लडाकु विमानले त्यसलाई पछ्याएका थिए । विमानलाई विमानस्थलमै सुरक्षित अवतरण गराउने कोसिस गरिए पनि विमान चोरले निकै खतरनाक तरिकाले विमान उडाइरहेका थिए ।
अन्ततः नजिकैको केट्रोन टापुस्थित सैन्य इलाकाको नजिकै उक्त विमान दुर्घटना भएको छ । ७८ सिट भएको उक्त जहाज दुर्घटना भएसँगै त्यसलाई चोरेर लैजाने व्यक्तिको पनि मृत्यु भएको बताइएको छ ।
