काठमाडौँ, ५ मंसिर । सरकारले काव्य स्कुल नयाँबानेश्वरका संस्थापक सल्लाहकार एवम् त्रिविवि शिक्षण अस्पताल महाराजगञ्जका वरिष्ठ नाक, कान, घाँटी विशेषज्ञ प्रा.डा.धर्मकान्त बास्कोटालाई त्रिभुवन विश्व विद्यालयको उपकूलपतिमा नियुक्त गरेकोमा काव्य स्कुलका संस्थापकहरुले किर्तिपुरस्थित उहाँकै कार्यकक्षमा विहीबार पुगेर वधाई ज्ञापन गरेका छन् ।
काव्य स्कुलका संस्थापक प्रिन्सिपल नवराज बास्कोटाको साथै विद्यालयका संस्थापक निर्देशकहरु धर्मेन्द्रप्रकाश राजभण्डारी, सुनिल कुमार घर्ती, दिलिप थापा र प्रेमराज अर्यालले उपकूलपति प्रा.बास्कोटलाई खादा लगाएर वधाई दिनुका साथै सफल कार्यकालको लागि शुभकामना दिनुभयो ।
काव्य टोलीसंगको भेटका क्रममा उपकूलपति प्रा.डा.बास्कोटाले त्रिविविमा देखिएका कमी कमजोरीलाई क्रमशः सुधार गर्दै यथाशिघ्र त्रिविवि सिनेट वैठक सञ्चालन गर्न, त्रिविविका आंगीक र सम्वन्धनप्राप्त क्याम्पसहरुबाट विभिन्न तह र संकायबाट उतिर्ण भएकाहरुको दिक्षान्त कार्यक्रम आयोजना गर्नुको साथै ति क्याम्पसहरुमा स्वतन्त्र विद्यार्थी युनियनको चुनाव गराउने तयारी गरिरहेको बताउनुभयो ।
