काठमाडौँ, २४ बैशाख । नेप्से सूचक १.८७ अंकले बढेर १३०१.२८ विन्दुमा आइपुगेको छ ।
समग्रमा बजार ०.१४५ ले माथि लागेको हो । १७६ कम्पनीको ७२ करोड ८८ लाख रुपैयाँभन्दा धेरैको सेयर कारोबार भएको छ ।
२५ लाख २० हजार ७९० कित्ता सेयर खरिदबिक्री भएका छन् । होटेल समूह सबैभन्दा धेरै १०१.०७ अंकले बढेको छ । वाणिज्य बैंक समूहको सूचक भने २.५६ अंकले तल झरेको छ । एनसीसीको ५ करोड ९४ लाख रुपैयाँभन्दा धेरैको सेयर कारोबार भएको छ ।
कारोबार रकमकै आधारमा दोस्रो र तेस्रो स्थानमा क्रमशः शिवम् सिमेन्ट्स र नेपाल बैंक परेका छन् ।सबैभन्दा बढी हिमायलन डिस्टिलरीका लगानीकर्ताले कमाएका छन् ।
यसैगरी, सबैभन्दा बढी गुमाउनेमा पाँचथर पावरका लगानीकर्ता रहेका छन् । समिट माइक्रोफाइनान्स र नेसनल हाइड्रोपावरका लगानीकर्ता पनि बढी गुमाउनेमा क्रमशः दोस्रो र तेस्रो स्थानमा परेका छन् ।
