काठमाडौँ, २९ असोज । दसैँको फूलपातीबाट प्रदर्शनमा आउने चलचित्र ‘छ माया छपक्कै २’को ट्रेलर सार्वजनिक भएको छ ।
बुधबार राति निर्माण टिमले चलचित्रको ट्रेलर सार्वजनिक गरेको हो । ट्रेलरमा दीपकराज गिरी, केकी अधिकारी र शनिसा भट्टराईलगायत कलाकार छन् । रवीन्द्र झाले पनि चलचित्रमा प्रवेश पाएका छन् । उनी चिकित्सकको भूमिकामा देखिएका छन् ।
चलचित्र ‘छ माया छपक्कै–२’लाई दीपेन्द्र लामाले निर्देशन गरेका छन् । रोहित अधिकारी निर्माता छन् । चलचित्रमा दीपकराज गिरी, दीपाश्री निरौला, प्रकाश घिमिरे, केकी अधिकारी, कर्मा, शनिसा भट्टराई, रवीन्द्र झा, निर्मल शर्मा, मेक्सम गौँडेल, रमा थपलिया, लगायत कलाकारको अभिनय छ ।
