काठमाडौँ, २८ भदौ । सुर्खेतमा मोटरसाइकलको ठक्करबाट एक जनाको मृत्यु भएको छ । मृत्यु हुनेमा वीरेन्द्रनगर नगरपालिका-१० बरीपाटीकी ५५ वर्षीया आशा बुढा रहेकी छिन् ।
जिल्ला प्रहरी कार्यालय सुर्खेतका अनुसार, गएराति ११ः४५ बजे लेकबेसी नगरपालिका-१० झुप्रा स्थित लेकबेशीबाट भुतचोकतर्फ आउँदै गरेको भे ६ प ४७३ नम्बरको मोटरसाइकलले उनलाई ठक्कर दिएको थियो ।
उक्त मोटरसाइकल लकबेशी १० का १७ वर्षीया मनोज आचार्यले चलाएका थिए। बुढालाई ठक्कर दिएपछि घाइते भएकी उनलाई उपचारको लागि माया नर्सिङ होम अस्पतालमा ल्याइयो ।
त्यहाँ सम्भव नभएपछि प्रदेश अस्पताल हुँदै नेपालगंज नरसिंह होम लगिएको थियो । बिहान ७ः२० बजे उपचारका क्रममा उनको मृत्यु भएको प्रहरीले जनाएको छ ।
