काठमाडाैँ, ११ भदाै ।राष्ट्रपति रामचन्द्र पौडेलले बाढीपीडितका लागि एक महिनाको पारिश्रमिक सहयोग गर्ने भएका छन् ।
रसुवाको भोटेकोशी नदीमा आएको भीषण बाढीबाट प्रभावित नागरिकको उद्धार, खोज तथा राहत कार्यमा सहयोग पुर्याउन राष्ट्रपति पौडेलले एक महिनाको पारिश्रमिक प्रधानमन्त्री दैवी प्रकोप उद्धार कोषमा प्रदान गर्ने घोषणा गरेका हुन् ।
राष्ट्रपति कार्यालयका प्रवक्ता रितेशकुमार शाक्यका अनुसार राष्ट्रपति पौडेलले बाढीबाट ठुलो जनधनको क्षति भएकामा विपद् प्रभावित नागरिकको उद्धार, खोज तथा राहतका लागि आफ्नो एक महिनाको पारिश्रमिक कोषमा दिने निर्णय गरेका हुन्।
