काठमाडौँ, २६ साउन । कास्कीको पोखरामा मोटरसाइकल दुर्घटनामा परि एक युवकको मृत्यु गएको छ ।
प्रहरीका अनुसार पोखरा– २५ हेम्जास्थित म्याग्दीचोकमा ग १४ प २५१७ नम्बरको मोटरसाइकल तीव्र गतिका कारण आज अनियन्त्रित भई दुर्घटनामा परेको हो ।
मोटरसाइकलको पछाडि सवार १६ वर्षका अनिल विकको मृत्यु भएको प्रहरीले जनाएको छ । दुर्घटनामा गम्भीर घाइते उनको उपचारका क्रममा मणिपाल शिक्षण अस्पतालमा मृत्यु भएको हो ।
मोटरसाइकल चालक म्याग्दीको धौलागिरी २ लुलाङका १८ वर्षीय दिनेश विक घाइते भएका छन् । उनको मणिपाल अस्पतालमै उपचार भइरहेको छ ।
