काठमाडौँ, २६ जेठ । जेन्जी आन्दोलनक्रममा नख्खु कारागारबाट फरार भएका व्यक्ति पक्राउ परेका छन् ।
जिल्ला प्रहरी कार्यालय तौलिहवा, कपिलवस्तुले साबिक उदयपुर–८ हाल महाराजगंज नगरपालिका वडा नं ६ बन्जरियाका ५८ वर्षीय राम जैस मौर्यालाई पक्राउ गरेको हो ।
उनी कर्तव्य ज्यान मुद्धामा जिल्ला अदालतको फैसलापछि २० वर्ष जन्म कैदमा परेका थिए । उनीसहित ८ जनाले सुरुङ खनेर कारागारबाट भागेका थिए । २०६८ जेठ १० गतेको फैसलाले उनलाई २५ वर्ष ३ महिना ३ दिन कैद सजाय तोकिएको थियो । पछि २०६३ माघ २२ गतेको फैसलाले कर्तव्य ज्यान मुद्दामा कैद लगत संसोधन गरी २० वर्ष कैद हुने फैसला भएपछि २०६८ असार १३ नख्खु कारागार ललितपुर लगिएका थिए ।
२०८२ भदौ २४ गते जेन्जी आन्दोलनको सिलसिलामा कारागारबाट भागेका उनलाई आइतबार कृष्णनगर–१ कुकुरभुकुवाबाट नियन्त्रणमा लिइएको हो । पक्राउ परेका मौर्यलाई बाँकी कैद भुक्तानीका लागि जिल्ला अदालतमार्फत कारागार पठाइएको जिल्ला प्रहरी कार्यालय कपिलवस्तुले जनाएको छ ।
