काठमाडौँ, २९ मङ्सिर । राष्ट्रिय खेलकुद परिषद्का सदस्य तथा प्रदेश नं. ३ का संयोजक सुदिल शाहीले तेक्वान्दो खेल नै राष्ट्रको चिनारी भएको बताउनुभएको छ ।
आज नेपाल तेक्वान्दो संघ प्रदेश नं ३ द्वारा साददोबाटोमा आयोजित थर्ड डान ब्ल्याक बेल्ट ग्रेडिङको समापन कार्यक्रम संयोजक शाहीले राष्ट्रि तथा अन्तर्राट्रिय स्तरमा नेपाललाई चिनाउन तेक्वान्दोको महत्वपूर्ण भूमिका रहेकाले आफु र आफु आवद्ध रहेको संस्थाको तर्फबाट आवश्यक पर्ने जस्तोसुकै सहयोग गर्न तयार रहेको प्रतिवद्धता व्यक्त गर्नुभएको छ ।
उक्त अबसरमा प्रदेश नं ३ का अध्यक्ष केशव पुरीको सभापतित्वमा भएको कार्यक्रममा कार्यक्रमको समापन गर्दै यदि मुलुकमा अन्तर्राष्ट्रिय पदक ल्याउने हो भने सरकारले यो खेललाई प्राथमिकता राखेर यसको पुर्वाधार विकास र खेलाडीहरुको मनोवल उच्च राख्नु पर्ने बताउनुभयो ।
कार्यक्रममा नेपाल तेक्वान्दो संघका केन्द्रीय सदस्य नोर्बु लामा, हिरा थापा राष्ट्रिय खेलकुद परिषद्का तालिम तथा प्रशिक्षण बिभागका निर्देशक अर्जुन बिक, नेपाल तेक्वान्दो संघ प्रदेश नं ३ का पदाधिकारी तथा सदस्यहरु, जिल्ला समितिका अध्यक्ष, खेलाडी तथा प्रशिक्षकहरुको उपस्थिति रहेको थियो ।
