काठमाडौँ, १८ मङ्सिर । सरकारले कर्मचारी अध्यादेश स्वीकृत गरेसँगै सरकारले तोकेको ठाउँ वा निकायमा कर्मचारी नगए अवकाश गर्ने भएको छ ।
सरकारले संघीयता कार्यान्वयनको महत्वपूर्ण विषयको रुपमा रहेको कर्मचारी समायोजन अध्यादेश स्वीकृत गरेको हो । सरकारको यो निर्णय सँगै अब निजामती सेवामा रहेका ८९ हजार ३९ र स्थानीय तहमा रहेका २० हजार गरि १ लाख ९ हजार कर्मचारीको समायोजन प्रक्रिया शुरु हुने छ । समायोजन गर्दा ३५ दिन भित्र समायोजन भएको ठाउमा नजाने कर्मचारीलाई सरकारले अवकाश दिने संघीय मामिला तथा सामान्य प्रशासन मन्त्रालयले जनाएको छ ।
राष्ट्रपति विद्यादेवी भण्डारी पोल्याण्डमा भएको जलवायू सम्वन्धि अन्तर्रा्ष्ट्रिय सम्मेलनमा भाग लिई वुधवार नेपाल फर्केलगत्तै सो अध्यादेश प्रमाणीकरण हुने भएको छ ।
