लमजुङ, २२ मंसिर। नेकपा एमालेका अध्यक्ष केपी शर्मा ओलीले देश तथा राजनीतिलाई स्थिर बनाउने काम एमाले बाहेकले नसक्ने बताएका छन् ।
शुक्रबार पार्टीको मध्यपहाडी यात्रा अन्तर्गत लमजुङमा आयोजित सभालाई सम्बोधन गर्दै उनले जति वटा पार्टी मिले पनि देश बनाउने काम एमाले बाहेकका राजनीतिक दलहरुले नसक्ने जिकिर गरे । अध्यक्ष ओलीले आफूहरुले कोभिड, भूकम्प, नाकावंदी, रास्ट्रियता माथिको खतरालगायतका समस्याको सफलतापूर्वक सामना गरेको बताए ।
उनले राजनीतिलाई स्थिर बनाउने, लोकतान्त्रिक गणतन्त्रलाई बलियो बनाउने, विकास निर्माणलाई अघि बढाउने, अर्थतन्त्र अघि बढाउने, समाजलाई एकताबद्ध बनाउने, समाजमा आशा, भरोसा, उत्साह र विश्वास जगाउने काम नेकपा एमाले बाहेकले जोगाउन नसक्ने दाबी गरे ।
