काठमाडौँ, ७ असाेज । सम्भावित बाढी तथा पहिरोको जोखिमलाई मध्यनजर गर्दै बीपी राजमार्गको काभ्रे खण्डमा रातिको समयमा सवारी आवागमनमा रोक लगाइने भएको छ।
मनसुन प्रतिकार्य कमाण्ड पोस्ट, काभ्रेपलाञ्चोकको आज बसेको बैठकले गरेको निर्णयअनुसार असोज ८ गतेदेखि असोज १२ गते बिहानसम्म बीपी राजमार्गको काभ्रे खण्डमा बेलुकी ५ बजेदेखि बिहान ५ बजेसम्म सबै प्रकारका सवारी साधनको आवागमनमा रोक लगाउने निर्णय गरेको हो।
सम्भावित बाढी, पहिरो तथा सडक अवरोधबाट हुन सक्ने जोखिम न्यूनीकरण गरी यात्रु तथा सवारी साधनको सुरक्षालाई प्राथमिकतामा राख्दै उक्त निर्णय गरिएको जनाइएको छ।
