बारा, ३१ भदौ । बारामा चोरीका सामानसहित ६जना किशोर पक्राउ परेका छन् ।
महागढीमाई नगरपालिका–५, बगडमपुरका १३, १२ र १० वर्षीय र भारतको पूर्वी चम्पारणका १४ वर्षीय गरी ६ किशोरलाई शनिबार राति प्रहरीले पक्राउ गरेको हो । प्रहरीका अनुसार बगडमपुरका नरेन्द्र जैसवालको घरमा शनिबार दिउँसो चोरी भएको थियो । खोजी तथा अनुसन्धानका क्रममा उनीहरूलाई चोरीका विभिन्न सामान लुकाइराखेको अवस्थामा फेला पारी पक्राउ गरिएको प्रहरीले जनाएको छ ।
उनीहरूका साथबाट सिक्री एकथान, सिक्का १४ थान, आँैठी एकथान, बिन्दिया १४ थान, लकेट दुईथान, कानको रिङ चारथान, फुली चारथान, क्यामेरा एकथान, मोबाइल एकथान, पायल १३ थानलगायत सामान बरामद गरिएको प्रहरीले जनाएको छ ।
