( जेठ २७, काठमाडौँ) । सुनशरीको ईटहरीमा एचडि क्वालीटिमा आधारित मल्टिप्लेक्स ‘एलाइट’ नामक सिनेमा हल तयार भएको छ ।
सो हल ९ जना चलचित्र व्यवसायी टिम छबिराज ओझा, प्रदीप उदय, चैतन्य बराल, कुबेर शर्मा, राजकुमार पोखरेल, दिनेश पोखरेल, बिक्रम पराजुली, नरेन्द्र महर्जन र चिरञ्जवि बस्नेत लगायत मिलेर निर्माण गरेका छन् ।
ईटहरी उप महानगरपालीका वडा नम्बर ४ को आईतबारेमा रहेको एलाईट सिनेमा हलमापर्याप्त पार्किङ सहित हल भित्र अध्याधुनिक सुबिधा रहेको छ । असार १ गते देखी व्यवसायीक रुपमा सञ्चालन हुने सिनेमा हलमा उच्च गुणस्तरिय साउण्ड सिस्टम र भिडियो क्वालिटि सहित ठुलो पर्दामा फिल्म हेर्न पाईने यी हलहरुमा फोल्डिंग सिस्टम भएको आरामदायी सिट राखिएका छन् ।
उक्त सेनेमा हलमा बार अनुसारको टिकट दरको सिस्टमलाई हटाएर नेपाली फिल्मको लागि २०० र अन्य फिल्मको लागि ३०० टिकट दर राखिएको जानकारी दिएका छन ।
