भक्तपुर, २१ पौष । भक्तपुरको मध्यपुर ठिमी नगरपालिका–३, गठ्ठाघरमा ट्रकले स्कुटरलाई ठक्कर दिँदा एक जनाको मृत्यु भएको छ ।
भक्तपुर प्रहरीका अनुसार भक्तपुरबाट काठमाडौंतर्फ जाँदै गरेको लु २ ख ६७८ नम्बरको ट्रकले सोही दिशातर्फ जाँदै गरेको बा ८२ ९७३७ नम्बरको स्कुटरलाई ठक्कर दिदा सूर्यविनायक–४, दधिकोट बस्ने ५८ वर्षीय नरहरि न्यौपानेको मृत्यु भएको हो ।
ट्रकको पछाडिको चक्कामा परेर न्यौपाने गम्भिर घाइते भएका थिए । उनको उपचारका क्रममा नागरिक अस्पताल, भक्तपुरमा मृत्यु भएको प्रहरीले जनाएको छ । ट्रक चालक प्रहरी नियन्त्रणमा छन् ।
