विमानस्थलबाट सुनसहित चिनियाँ नागरिक पक्राउ

काठमाडौँ, २ मंसिर । त्रिभुवन अन्तर्राष्ट्रिय विमानस्थलबाट सुनजस्तो देखिने पहेँलो अर्धठोस पदार्थसहित चिनियाँ नागरिक पक्राउ परेका छन् ।

विमानस्थल सुरक्षा कार्यालयका अनुसार आज बिहान १:२५ बजे नेपाल वायुसेवा निगमको उडान नम्बर ‘आरए ४१०’ मार्फत हङकङबाट काठमाडौँ आएका ५८ वर्षीय चिनियाँ नागरिक जियानहुआ वाङ पक्राउ परेका हुन् । 

चीनको जिलिन स्थायी वतन भएका वाङको गतिविधि शङ्कास्पद देखिएपछि सुरक्षाकर्मीले जाँच गरेका थिए । त्यस क्रममा उनले आफ्नो मलद्वारभित्र प्लास्टिकले बेरेर लुकाइल्याएको चार थान पहेँलो गोलाकार अर्धठोस पदार्थ फेला परेको थियो । 

प्लास्टिकको क्यापसहित १ किलो ८०३ दशमलव ७७ ग्राम रहेको उक्त सुनजस्तो पदार्थसहित भन्सार क्षेत्र पार गरी बाहिर निस्कने क्रममा वाङलाई नियन्त्रणमा लिइएको हो। उनलाई थप अनुसन्धान तथा प्रचलित कानुनबमोजिम कारबाहीका लागि विमानस्थल भन्सार कार्यालय गौचर पठाइएको छ ।

प्रतिक्रिया दिनुहोस्

संबन्धित समाचार

काठमाडौँ, २ मंसिर । झापामा १७ वर्षीया किशोरीलाई जबरजस्ती करणी गरेको आरोपमा प्रहरीले एकजनालाई पक्राउ गरेको छ । शिवसताक्षी नगरपालिका-४, विश्वडुब्बाका

काठमाडौँ, २ मंसिर । म्याग्दीमा प्रहरीले वनमा लुकाएर राखिएका ७ थान भरुवा बन्दुक बरामद गरेको छ । जिल्लाको मालिका गाउँपालिका

काठमाडौँ, २ मंसिर । काठमाडौँको तारकेश्‍वर नगरपालिका–८ मा आज बिहान चोरी भएको छ । तारकेश्वरमा डेरा गरी बस्ने बाजुरा घर भएकी

काठमाडौँ, २ मंसिर । गुल्मीमा कार्यरत प्रहरी निरीक्षक (इन्स्पेक्टर) पर्वतकुमार केसी मृत फेला परेका छन् । आफ्नै निवासको कोठामा केसी मृत