काठमाडौँ, २० असोज । कञ्चनपुरमा मोटरसाइकल दुर्घटना हुँदा एक जना युवकको मृत्यु भएको छ ।
जिल्ला प्रहरी कार्यालय कञ्ञ्चनपुरका अनुसार बेदकोट नगरपालिका–७ लालपुरमा मोटरसाइकल आफैं अनियन्त्रित भई पल्टिँदा बेदकोट नगरपालिका–५ बस्ने २४ वर्षीय विक्रम बमको मृत्यु भएको हो ।
सोमवार मध्याह्न १२ बजे महेन्द्र राजमार्ग अन्तर्गत पश्चिमबाट पूर्वतर्फ जाँदै गरेको से ६ प २२० नम्बरको मोटरसाइकल आफैं अनियन्त्रित भई सडकमा पल्टिदा बम गम्भीर घाइते भएका थिए । घाइते बमलाई उद्धार गरी उपचारका लागि महाकाली प्रादेशिक अस्पताल पठाइएको थियो । उपचारकै क्रममा उनलाई चिकित्सकले मृत्यु भएको घोषणा गरेको हो ।
