काठमाडौँ, १५ असोज । धादिङमा अरिंगालले टोक्दा एकजनाको मृत्यु भएको छ भने एकजना घाइते भएका छन् ।
वाग्मती प्रदेश प्रहरी कार्यालयका अनुसार आज बेलुका करिब ६ः३० बजे धुनिबेँसी नगरपालिका–९, रानागाउँमा अरिंगालले टोक्दा घाइते भएका दुईमध्ये उपचारका क्रममा एकजनाको मृत्यु भएको हो ।
रानागाउँमा जग्गा भाडामा लिई तरकारी खेती गर्दै आएका दाङका ३७ वर्षीय कमानसिंह घर्तीमगर र धुनिबेँसी–९, सिक्रेखोलाका ५३ वर्षीय राम तामाङलाई अरिंगालले टोकेको थियो । नजिकै पाखोमा अरिंगाल पोल्ने क्रममा त्यसले टोक्दा उनीहरू घाइते भएका थिए ।
त्यसपछि छिमेकीले उनीहरूलाई उपचारका निम्ति काठमाडौँ ल्याएका थिए । राष्ट्रिय ट्रमा सेन्टरमा उपचारका क्रममा आज बिहान कमानसिंहको मृत्यु भएको प्रहरीले जनाएको छ ।
तामाङ भने सामान्य उपचारपश्चात् आफूखुसी ‘डिस्चार्ज’ भएका प्रहरीले जनाएको छ ।
