काठमाडौँ, १९ भदौ । कपिलवस्तुको शिवराज नगरपालिका-२ बालापुर मिलनचोकमा अटोको ठक्करबाट एक पैदलयात्रीको मृत्यु भएको छ ।
प्रहरीका अनुसार हल्लानगरबाट २ नम्बर टोलतर्फ जाँदै गरेको लु.प्र.०१-००१ ह १३७८ नम्बरको अटोको ठक्करबाट पैदलयात्री स्थानीय तिर्सना सेन ठकुरीका ३ वर्षीय छोरा शिवम सेन ठकुरीको आज बिहान मृत्यु भएको हो ।
गम्भीर घाइते बालकको लुम्बिनी सिटी अस्पताल बुटवलमा उपचारका क्रममा मृत्यु भएको हो । प्रहरीले अटो चालकलाई नियन्त्रणमा लिएको छ ।
उक्त दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
