काठमाडौँ, १८ साउन । काठमाडौँको भद्रकालीमा रुख ढल्दा स्कुटरमा सवार आमाछोरा घाइते भएका छन् ।
प्रहरीका अनुसार भद्रकाली मन्दिरबाट सेनाको पेट्रोल पम्पतर्फ रुख ढल्दा दुई जना घाइते भएका हुन् । बागमती प्रदेश–३५९० नम्बरको स्कुटरमा सवार रौतहट घर भएर सानेपा बस्ने ४७ वर्षीय राजेश प्रसाद यादव र ६९ वर्षीया गायत्रीदेवी यादव घाइते हो ।
उनीहरू आमा–छोरा हुन् । उनीहरूको राष्ट्रिय ट्रमा सेन्टरमा उपचार भइरहेको छ। राजेश यादवको टाउको र ढाडमा चोट लागेको छ । गायत्रीदेवीको घुँडा र दाहिने हातमा चाट लागेको र अवस्था सामान्य रहेको छ ।
सेना र प्रहरीका सुरक्षाकर्मीले रुख हटाएर बाटो सुचारु गराएका छन्।
