काठमाडौँ, २९ असार । वर्षायाम सुरु भएसँगै नेपालमा जापानिज इन्सेफ्लाइटिसको प्रकोप सुरु भएको छ ।
यसबाट पछिल्लो २० दिनमा १ जनाको मृत्यु र ३ जनामा संक्रमण पुष्टि भइसकेको छ । आगामी दिनमा संक्रमणले प्रकोपकै रुप लिनसक्ने भन्दै सर्तकता अपनाउन स्वास्थ्यकर्मीहरूले सुझाव दिएका छन् ।
स्वास्थ्य सेवा विभागअन्तर्गत परिवार कल्याण महाशाखाको खोप शाखाका प्रमुख डा. अभियान गौतमका अनुसार मनसुनका समयमा जापानीज इन्सेफ्लाइटिससहित किटजन्य रोगहरूको संक्रमण बढ्छ जुन हाम्रो लागि अझ चुनौतीपूर्ण हुनेछन् ।
मनसुन सुरु भएपछि हालसम्म सुनसरी, इलाम, सुर्खेत र चितवन गरी ४ जिल्लामा जापानीज इन्सेफ्लाइटिस भाइरसको संक्रमण पुष्टि भैसकेको छ ।
