काठमाडौँ, २१ असार । दाङमा चट्याङ्ग लागेर एक महिलाको मृत्यु भएको छ ।
जिल्ला प्रहरी कार्यालय दाङका अनुसार एक महिलाको मृत्यु र दुई जना घाइते भएका छन् । घोराही उपमहानगरपालिका–२ बस्ने २६ वर्षीया दिपा थापाको चट्याङ्ग लागेर मृत्यु भएको हो ।
घोराही–९ मछाहीमा धान रोपाइँ भइरहेको बेला हिजो बेलुका एक्कासि चट्याङ्ग परेको थियो । घोराही–२ मर्फेस बस्ने २९ वर्षीया कमला थापा र त्यही ठाउँका ३४ वर्षीय सन्दीप विक घाइते भएका हुन् ।
घाइतेको राप्ती स्वास्थ्य विज्ञान प्रतिष्ठान घोराहीमा उपचार भइरहेको प्रहरीले जनाएको छ ।
