उदयपुर, ६ असार । उदयपुरको कटारीमा १७ किलोग्रामभन्दा बढी लागूऔषध गाँजासहित एक जनालाई प्रहरीले पक्राउ गरेको छ ।
शनिबार कटारी नगरपालिका वडा नं.६ स्थित बैनाज पुल भित्री सडक खण्डमा प्रहरी चौकी रिस्कुबाट खटिएको टोलीले उनलाई नियन्त्रणमा लिएको हो । उदयपुरगढीबाट कटारीतर्फ आउँदै गरेको नम्बर नखुलेको एक मोटरसाइकललाई उदयपुरगढी वडा नं. ६ बाउनटार घर भई हाल कटारी–४ सिम्ले बस्ने ३० वर्षीय नरबहादुर पुलामी मगरलाई १७.०४० केजी गाँजासहित प्रहरीले घटनास्थलबाटै नियन्त्रणमा लिएको हो ।
पक्राउ परेका मगरलाई इलाका प्रहरी कार्यालय कटारी उदयपुरको हिरासतमा राखेर घटनाबारे थप अनुसन्धान अघि बढाइएको प्रहरीले जनाएको छ ।
