काठमाडौँ, २० जेठ । महोत्तरीमा गोली चलेको छ ।
डाँका चोरीमा संलग्न व्यक्तिहरुको गोली प्रहारबाट दुईजना घाइते भएका छन् । महोत्तरीको सोनमा गाउँपालिका-३ खखनामा मंगलबार राति राम विश्वास आदबको घरमा डाकाचोरी भएको हो ।
सो क्रममा डाँका समूहले गोली प्रहार गर्दा रामविश्वासका ज्वाईं ईश्वर यादव र छोरी किरण यादव घाइते भएको जिल्ला प्रहरी कार्यालय महोत्तरीले जनाएको छ ।
दुवैजनाको जनकपुरस्थित जानकी हेल्थ केयरमा उपचार भइरहेको छ । घटनाबारे प्रहरीले बिहानपख थाहा पाएको हो । घटनाको थप अनुसन्धान गरिरहेको प्रहरीले जनाएको छ ।
