काठमाडौँ, ७ जेठ । विपक्षी दलले प्रधानमन्त्रीसँगको प्रश्नोत्तरको व्यवस्था अन्देखा गरिएको भन्दै सदन अवरोध गरेका छन् ।
प्रतिनिधिसभा नियमावलीको नियम ५६ मा रहेको प्रधानमन्त्रीलाई प्रश्न सोध्ने व्यवस्था कार्यान्वयन गर्न माग गरेका हुन् । एमालेका प्रमुख सचेतक ऐन महरले भने “प्रधानमन्त्रीलाई यहाँ उपलब्ध गराइयोस् । नियम ५६ लाई कार्यान्वयन गरियोस्,” ।
त्यसो नहुँदा आफूहरूले विरोध जारी राख्ने बताए । नेकपाका प्रमुख सचेतक युवराज दुलालले नियमावलीका व्यवस्था अन्देखा गरेको भन्दै आपत्ति जनाए । प्रत्येक महिनाको पहिलो हप्ताको कुनै एक दिन प्रधानमन्त्रीसँग प्रश्नोत्तर गर्न सकिने व्यवस्था छ । प्रधानमन्त्रीसँगको प्रश्नोत्तरबारको नियमावलीको व्यवस्था कार्यान्वयन गर्न माग गर्दै विपक्षीले अवरोध गरेपछि १५ मिनेटक लागि बैठक स्थगित भएको हो ।
