काठमाडौँ, ३ जेठ । कैलालीमा नदीमा डुबेर एक बालकको मृत्यु भएको छ ।
प्रहरीका अनुसार घोडाघोडी नगरपालिका–१० भाकलस्थित कान्द्रा नदीमा डुबेर स्थानीय भद्र बमका ९ वर्षीय छोरा शुसिल बम बमको मृत्यु भएको हो ।
शनिबार दिउँसो नुहाउने क्रममा नदीमा डुबेर बेपत्ता भएका उनको खोजीका लागि नेपाल प्रहरी अन्तर्गत प्रहरी चौकी पहलमानपुरबाट टोली खटिएको थियो ।
प्रहरीले डुबेकै स्थानबाट उद्दाुर गरेर उपचारका लागि धनगढीको निसर्ग अस्पताल पुर्याएको थियो । अस्पतालमा चिकित्सकले जाँच गर्दा उनलाई मृत घोषणा गरेका हुन् ।
घटनाबारे प्रहरीले आवश्यक अनुसन्धान गरिरहेको जनाएको छ ।
