काठमाडौँ, ११ साउन । गायक तथा कलाकार अशोक दर्जीले आफ्नो चरित्रहत्या गर्ने उद्देश्यले भिडियो बनाएर सामाजिक सञ्जालमा ‘भाइरल’ बनाइएको भन्दै कारबाहीको माग गरेका छन् ।
इलाका प्रहरी कार्यालय अनारमनी, झापामा निवेदन दिँदै अशोकले आफ्नो भविष्यमाथि खेलवाड गर्ने काम भएको भन्दै तत्काल पक्राउ गरी कारबाहीको माग गरेका छन् ।
उनले एक हप्ताअगाडि दुईजना व्यक्ति आएर आफूलाई चोर भन्दै कुटपिट गर्दै भिडियो बनाएको उजुरीमा उल्लेख गरेका छन् ।
“यसले हजार रुपैयाँ चोर्यो भन्दै भिडियो बनाएका थिए । मैले पटक–पटक भिडियो हटाउन आग्रह गर्दा पनि मानेनन्,” उनले प्रहरीलाई दिएको उजुरीमा उल्लेख छ ।
