काठमाडौँ, २३ भदौ । स्वास्थ्य तथा जनसंख्या मन्त्रालयले ‘जेनजी’ पुस्ताको प्रदर्शनका क्रममा घाइते भएकाहरूको निःशुल्क उपचार गर्न मातहतका सबै संघीय अस्पताललाई ‘सर्कुलर’ गरेको छ ।
मन्त्रालयले संघीय अस्पतालमा आउने प्रदर्शनका घाइतेलाई कुनै शुल्क नलाग्ने गरी शीघ्र उपचारको व्यवस्था गर्न भनेको हो । मन्त्रालयले एम्बुलेन्स सेवालाई थप प्रभावकारी बनाउन र आवश्यक परेका विभिन्न स्थानमा सहजै उपलब्ध गराउन पनि निर्देशन दिएको छ ।
काठमाडौँ उपत्यकाको एम्बुलेन्स सञ्जाललाई अस्पतालबाट ‘रिफर’ गरिने बिरामीलाई अर्को स्वास्थ्य संस्थामा लिएर जान सहजीकरणका निम्ति समेत आग्रह गरिएको छ ।
सबै चिकित्सक एवं स्वास्थ्यकर्मीलाई एकजुट भई घाइतेको उपचारमा जुट्न पनि मन्त्रालयले आह्वान गरेको छ ।
