काठमाडौँ, १८ साउन । काठमाडौँबाट पोखरा उडेको बुद्ध एयरको जहाजमा प्राविधिक समस्या देखिएपछि पुनः काठमाडौँ फर्काएर सुरक्षित अवतरण गराइएको छ ।
कम्पनीका अनुसार उडान नम्बर ६५५ कलसाइन नाइन एन–एएमडी जहाजमा प्राविधिक समस्या देखिएको हो । कम्पनीका एक उच्च अधिकारीका अनुसार जहाज काठमाडौँबाट पार हुने क्रममा इन्डिकेटरमा समस्याको संकेत प्राप्त भएको थियो । त्यसपछि थप जोखिम नलिई जहाज काठमाडौँमै फर्काउने निर्णय लिइएको हो ।
अहिले प्राविधिकहरूले जहाजको जाँच गर्दै गरेको र यात्रुलाई अर्को जहाजबाट पोखरा पठाइएको उनले जानकारी दिए । कम्पनीका अनुसार शुक्रबार तीव्र वायु चलेका कारण जनकपुरका उडानहरू रद्द भएका छन् ।
