भक्तपुर, २२ भदौ । भक्तपुरमा टेलर गाडीमा मोटरसाइकल ठोक्किँदा एक जनाको मृत्यु भएको छ ।
प्रहरीका अनुसार आज साझँ ७:३९ बजे भक्तपुर सूर्यविनायक नगरपालिका ८ आदर्श भक्तपुर फ्युल सेन्टर अगाडी सूर्यविनायक तर्फ जाँदै गरेको बाग्मती प्रदेश -०२-०२३ प २८५९ नं को मोटरसाइकल र विपरित दिशा तर्फ आउँदै गरेको प्रदेश नं ३ -०२-००२प ६९३ नं को मोटरसाइकल एक आपसमा ठोक्किँदा ६९३ नं को मोटरसाइकल अनियन्त्रित भई जगाती तर्फ आउँदै गरेको प्रदेश ०३-००१ ख २४११ नं को टेलर गाडीमा समेत ठक्कर खाई सवारी दुर्घटना हुँदा ६९३ नं को मोटरसाइकल पछाडी सवारी एक जनाको मृत्यु भएको हो ।
मृत्यु हुनेमा काभ्रे जिल्ला बनेपा नगरपालिका २ घीमीरेगाउँ बस्ने वर्ष २५ की नविना काफ्ले घीमीरे रहेको प्रहरीले जनाएको छ । उनको घटनास्थलमै मृत्यु भएको हो । दुवै मोटरसाइकलका चालकहरु घाइते भएका छन् । घाइते भएका उनीहरुलाई उपचारको लागि मध्यपुर अस्पताल थिमी लगिएको छ भने तीन वटा सवारी साधन वृत जगातीले नियन्त्रणमा लिएको छ । त्यस्तै टेलर गाडी चालक पर्सा जिल्ला विरगन्ज महानगरपालिका २ बस्ने वर्ष २५ का हासिव हुसेन अन्सारीलाई वृत जगातीले नियन्त्रणमा लिएको छ ।
