काठमाडौँ, २६ जेठ । माछापुच्छ्रे बैंक र केएफसी आउटलेटबीच व्यवसायिक सहकार्य गर्ने सम्झौता भएको छ । केएफसी आउटलेट दिव्यानी इन्टरनेसनल नेपाल प्रालिबाट सञ्चालित छ ।
केएफसी, क्रिमबेल र पिज्जा हुट आउटलेटमार्फत खानाका परिकार अर्डर गर्दा माछापुच्छ्रे बैंकको डिजिटल माध्यमबाट क्यूआर र पीओएसमार्फत डिजिटल भुक्त्तानी गर्दा दैनिक पहिलो कारोबारमा १० प्रतिशत (बढीमा १८० रुपैयाँ) सम्मको क्यासब्याक पाउन सक्ने बैंकले जनाएको छ ।
बैंकले डिजिटल कारोबारलाई प्रर्वद्धन गर्ने उद्देश्यका साथ आफ्ना ग्राहकको सुविधाका लागि उक्त क्यासब्याक योजना जेष्ठ २५ देखि असार २६ गते सञ्चालन हुनेछ । माछापुच्छ्रे बैंकको देशभर १६५ शाखा, १२ एक्सटेन्सन काउन्टर, १३३ शाखारहित बैंकिङ सेवा, २०४ एटीएम रहेका छन् ।
