काठमाडौँ, १९ साउन । प्रमुख प्रतिपक्षी दल नेकपा एमालेको विद्यार्थी संगठन अनेरास्ववियुले डुबान क्षेत्रका नागरिकहरुलाई तत्काल सुरक्षित स्थान तर्फ उद्दार गर्न र राहत वितरणको कार्यमा तीव्रता दिन सरकारसमक्ष जोडदार माग गरेको छ ।
अनेरास्ववियुको अध्यक्ष सुनिता बरालले आज एक विज्ञप्ति जारी गर्दै कोसीको बाढीबाट हुने सम्भावित क्षतिलाई नियन्त्रण गर्न गोताखोरसहितको नेपाल प्रहरी, सशस्त्र प्रहरी र नेपाली सेनाको टोली तयारी अवस्थामा राख्न समेत आग्रह गरेको छ ।
साथै अनेरास्ववियुले दुखद घटनामा परी घाईते भएकाहरु शीघ्र स्वास्थ्यलाभको कामना गर्दै तत्काल राहत र उद्दारको कार्यमा क्रियाशील रहन सम्बन्धित स्थानका सम्पूर्ण नेता/कार्यकर्ता तथा शुभेच्छुकहरुलाई आग्रह गरेको छ ।
