एजेन्सी, १८ बैशाख । सैन्य ‘कू’ पछि हिरासतमा राखिएकी म्यानमारकी पूर्व नेतृ आङ सान सुकीलाई नजरबन्दमा राखिने भएको छ ।
म्यानमारको जुन्ता प्रमुखबाट राष्ट्रपति बनेका मिन आङ ह्लाइङले अपदस्थ नेतृ सुकीको सजाय कटौती गर्दै उनलाई तोकिएको घरमा नजरबन्दमा राख्न बिहीबार आदेश दिएका हु्न् ।
मिन आङ ह्लाइङको कार्यालयले जारी गरेको वक्तव्यमा ८० वर्षीया सुकीको बाँकी सजाय कटौती गरिएको उल्लेख गरिएको छ ।
उनलाई कहाँ सारिनेछ भन्ने तत्काल स्पष्ट भएको छैन । उनको विघटन गरिएको नेशनल लिग फर डेमोक्रेसी पार्टीका एक वरिष्ठ नेताले एएफपीलाई दिएको जानकारीमा नेतृ सुकीलाई राजधानी नेपिडोमा कुनै स्थानमा राखिने बताएका छन् ।
सुरक्षाको कारण बताउँदै नाम नबताउने सर्तमा उनले भने, “हामीलाई थाहा छैन कि नेतृ सुकीलाई राख्नेस्थान ठ्याक्कै कहाँ हुनेछ ।”
