काठमाडौँ, १९ माघ । आज सेयर कारोबार मापक नेप्से परिसूचक ३७ दशमलव ७० अंकले बढेर २ हजार ४ सय माथि पुगेको छ ।
नेप्से परिसूचकसँगै ‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पनि ४.९५ अंकले वृद्धि भएको छ । सेयर कारोबार रकम ७ अर्ब रुपैयाँ नाघेको छ । कारोबार रकम आइतबारको तुलनामा कम हो । ५४ अंक भन्दा धेरैले बजारमा पहिरो जादा पनि आइतबार ९ अर्ब नजिक कारोबार रकम पुगेको थियो ।
आज सबैभन्दा धेरै कमाउनेमा होटल समूहका लगानीकर्ताहरु देखिएका छन् । होटल समूहको सबइन्डेक्स करिब ८.७६ प्रतिशतले वृद्धि भएको छ । लघुवित्त समूह भने घटेको छ । सबैभन्दा धेरै गुमाउनेमा लघुवित्त समूहका लगानीकर्ताहरु नै देखिएका छन् ।
उता आज धेरै बढ्नेकाे पहिलो नम्बरमा प्रोगेसिभ फाइनान्स र दोस्रो नम्बरमा सेञ्चुरी कमर्सीयल बैंक पनि देखिएको छ । नविल बैंकसँग मर्जरमा जादैछ भन्ने हल्लाका कारण सेञ्चुरीको आज सेयर मूल्य बढेको हो ।
