काठमाडौँ, १४ पौष । आज समग्रमा सेयर कारोबार मापक नेप्से परिसूचक ५.५७ अंकले बढेर २ हजार १२ दशमलव ८९ अंकमा पुगेको छ ।
समग्रमा बजार बढे पनि धेरै जसो कम्पनीहरुको भने सेयर मूल्इ घटेको छ । उत्पादमूलक, लघुवित्त, निर्जिवन बिमा समूह र अन्य समूहमा रहेका कम्पनीहरु उकालो लागेका छन् भने नेप्सेमा रहेका बाँकी सबै सव–इन्डेक्स घटेर राताम्मे देखिएको छ । बैंकिङ ९.७० अंकले ओरालो लागेको छ भने विकास बैंक १८.९५ अंकले ओरालो लागेको छ । यसैगरी व्यापार ३.२२, होटल ४.५४, जलविद्युत १८.७२ र फाइनान्स २.१५ अंकले घटेको छ ।
आज दिनभर भएका २०९ कम्पनीका ३७ हजार ९१६ कारोबारबाट ८० लाख १ हजार ३१४ कित्ता सेयर किनबेच भएका छन् । जसअनुसार कारोबार रकम ४ अर्ब ९ करोड २२ लाख २७ हजार ८०३ रुपैयाँ पुगेको छ ।
