नेप्से ७ महिनायताकै उच्च विन्दुमा

काठमाडौँ, १८ असोज । नेप्से ७ महिनायताकै उच्च विन्दुमा पुगेको छ ।

गत फागुनमा १६३२ अंकसम्म पुगेर ओरालो लागेको नेप्से लकडाउन खुलेपछि बजार खुलेयता लगातार बढिरहेको छ । दुई साताअघि १५७५ अंकसम्म पुगेको नेप्से आइतबार १५८० भन्दा माथि पुगेको छ ।

आइतबार साताको पहिलो दिने बजार परिसूचक नेप्से दोहोरो अंकले बढेको छ । आज प्रि-ओपनिङ सेसनमा ६ अंकभन्दा माथिले वृद्धि भएको नेप्सेमा बजार खुलेसँगै उछाल देखिएको थियो । बजार खुलेको ७ मिनेटमा नै नेप्से साढे १७ अंकभन्दा माथिले बढेर १५८८.६५ अंकसम्म पुगेको थियो । आइतबार बजार परिसूचक दोहोरो अंकले बढ्यो भने कारोबार रकम पनि ३ अर्ब पुगेको छ । 

आइतबार बजार परिसूचक १४.७१ अंकले वृद्धि हुँदा नेप्से ७ महिनापछिकै उच्च बिन्दु १५८५.७६ अंकमा बन्द भएको छ । बैंकिङ, विकास बैंक र अन्य समूहका कम्पनीको सेयर मूल्य वृद्धि हुँदा नेप्से पनि बढेको हो । आइतबार नेप्सेमा हाइड्रोपावर र म्युचुअल फन्डबाहेक सबै समूहको सूचकमा हरियाली देखिएको छ । 

बजारलाई नेतृत्व गर्ने बैंकिङ समूहको सूचक १.१४ प्रतिशतले वृद्धि हुँदा विकास बैंक समूहको सूचक १.२१ प्रतिशत, उत्पादन समूहको सूचक ४.७८ प्रतिशत, व्यापार समूहको सूचक १.४९ र अन्य समूहको सूचक १.१ प्रतिशतले बढेको छ । यता हाइड्रोपावर समूहको सूचक भने  १.१८ र म्युचुअल फन्ड समूहको सूचक ३.२१ प्रतिशतले घटेको छ । 

नेप्सेसँगै सेन्सिटिभ इन्डेक्स पनि बढेको छ । सेन्सिटिभ इन्डेक्स २.१९ अंकले बढेर ३२१.२५ अंकमा बन्द भएको छ । आइतबार बजारमा १९५ कम्पनीको १ करोड ७ लाख १३ हजार ३२२ कित्ता सेयर किनबेच हुँदा ३ अर्ब १७ करोड ८८ लाख रुपैयाँको सेयर कारोबार भएको छ । ४५ हजार ७६३ वटा कारोबारबाट उक्त रकमको सेयर किनबेच भएको हो । 

आइतबार नेप्सेमा सबैभन्दा धेरै रकमको सेयर कारोबार शिवम् सिमेन्टको भएको छ । कम्पनीको २६ करोड ८६ लाख १३ हजारको सेयर किनबेच भएको छ । यस्तै नेपाल पुनर्बिमा कम्पनी, एनसीसी बैंक, हिमालयन डिस्टिलरी र नेपाल बैंक कारोबार रकममा अगाडि देखिएका छन् । 

आइतबार बजारमा धेरै कमाउनेमा पनि कर्पोरेट डेभलपमेन्ट बैंकपछि शिवम् सिमेन्टकै लगानीकर्ता देखिएका छन् । यता खानिखोला, युनियन र दिव्येश्वरी हाइड्रोपावरको सेयर मूल्यमा भने नकारात्मक सर्किट लागेको छ । 

प्रतिक्रिया दिनुहोस्

संबन्धित समाचार

रौतहट, ३ माघ । आर्थिक प्रलोभनमा परेर अरुलाई झुठो मुद्दामा फसाउन खोजेको आरोपमा दुई युवतीलाई प्रहरीले पक्राउ गरेको छ ।

काठमाडौँ, ३ माघ । काठमाडौँको कागेश्वरी मनोहरा नगरपालिकास्थित काँडाघारीमा साढे २ वर्षीया बालिका बलात्कृत भएकी छिन् । आफन्तकोमा पाहुना लाग्न

पर्वत, ३ माघ । बाटोमा हिँडिरहेका व्यक्तिको सिक्री तथा झोला, मोटरसाइकल र स्कुटर प्रयोग गरी चोरी गर्ने गिरोह पर्वतमा पनि

हुम्ला, ३ माघ । जिल्लाको चङ्खेली गाउँपालिकास्थित मेल्छाम प्रहरी चौकीमा कार्यरत हवल्दार देवेन्द्र खड्काको माथिबाट खसेको ढुङ्गा छल्न खोज्दा लडेर