काठमाडौँ, १९ वैशाख । बर्ड फ्लुको भाइरस नेपालमै पहिलो पटक मानिसमा देखिएको छ । उक्त भाइरसका कारण एकको मृत्यु भएको छ ।
स्वास्थ्य मन्त्रालयले आज पत्रकार सम्मेलन गरि काभ्रेका २१ वर्षीय एक युवकको बर्ड फ्लु भाइरस संक्रमणबाटै मृत्यु भएको जनाएको छ ।
बर्ड फ्लु संक्रमण भएपछि उपचारका लागि अस्पताल भर्ना भएका ती युवकको वैशाख १५ गते मृत्यु भएको स्वास्थ्य सचिव डा. पुष्पा चौधरीले बताइन् । ती युवकको बर्ड फ्लुबाट मृत्यु भएको पुष्टि यही मंगलबार भएको हो।
कुखुरामा पटक पटक देखिएको बर्ड फ्लु नेपालमा पहिलोपटक मानिसमा पनि देखिएपछि उच्च सतर्कता अपनाउन स्वास्थ्य मन्त्रालयले आग्रह गरेको छ ।
