काठमाडौँ, ११ चैत । माध्यमिक शिक्षा परीक्षा (एसइई)मा सहभागी रोल्पा जिल्लाका सबै छात्रालाई महिनावारी व्यवस्थापनका लागि सेनेटरी प्याड वितरण गरिएको छ ।
शिक्षा विकास तथा समन्वय एकाइको समन्वयमा सेभ द चिल्ड्रेनले जिल्लाका १७ परीक्षा केन्द्रमा प्याड वितरण गरेको हो । परीक्षाको समयमा हुने महिनावारीले छात्रालाई प्रभावित नगरोस् भनेर प्याड वितरण गरिएको शिक्षा विकास तथा समन्वय एकाइका प्रमख दानबहादुर गुरुङले बताएका छन ।
उक्त जिल्लाबाट यस वर्षको एसइई परीक्षामा साधारण र प्राविधिक गरी ८१ विद्यालयका तीन हजार ५२६ परीक्षार्थी सम्मिलित रहेका छन् ।
