मष्तिष्क हाम्रो शरीरको त्यस्तो अंग हो, जसको संकेतविना कुनै पनि अंगले काम गर्न सक्दैनन् । उमेरसंगसंगै मानिसहरुको स्मरणशक्ति पनि कमजोर हुँदैं जान्छ । स्मरणशक्ति बढाउने कस्तो खानेकुरा खानुपर्छ भनेर थाहा पाउन जरुरी छ ।
साल्मोन माछा : साल्मोन माछा ओमेगा ३ फ्याटी एसिडको निकै राम्रो स्रोत हो । मानिसको मष्तिष्कको करिब ६० प्रतिशत भाग बोसोबाट बनेको हुन्छ । मष्तिष्क ठीकसंग सन्चालन गर्न लगातार फ्याटी एसिड जरुरी हुन्छ । साल्मोन माछा ओमेगा ३ फ्याटी एसिडको निकै राम्रो स्रोत हो ।
ओखर : ओखरमा ओमेगा ३ फ्याटी एसिड सबैभन्दा बढी पाइछ । ओमेगा ३ का कारण मष्तिष्कको न्यूरोट्रान्समिसन अर्थात् कोशिकाबीच सूचना आदानप्रदान निकै राम्रोसंग हुन्छ । यसैले ओखरको नियमित सेवनले दिमाग तेज बनाउछ ।
ग्रीन टी : ग्रीन टी एन्टीअक्सिडेन्टयुक्त हुन्छ, जसले स्मरणशक्तिलाई बढाउन मद्धत गर्छ । यसमा पोलिफिनोल नामक तत्व हुन्छ, जसले स्मरणशक्ति बढाउँछ । दिनमा कम्तीमा दुई कप ग्रीन टी पिउनु राम्रो हुन्छ ।
गोलभेंडा : एन्टीअक्सिडेन्ट तथा लाइकोपेनको निकै राम्रो स्रोत भएका कारण गोलभेंडाले मष्तिष्कको शक्ति बढाउन महत्वपूर्ण भूमिका निभाउँछ । दिनहुँ गोलभेंडा खानाले फ्रि रेडिकलको समस्या पनि हटाउछ ।
