काठमाडौँ, ६ मंसिर । गुल्मीमा अपाङ्गता भएकाहरुकोे लागि एकदिने निःशुल्क स्वास्थ्य परीक्षण शिविर आयोजना गरिएको छ ।
चन्द्रकोट गाउँपालिकाको शान्तिपुरमा भएको निःशुल्क स्वास्थ्य परीक्षण शिविरमा आशा अपाङ्ग केन्द्र गुल्मी, चन्द्रकोट गाउँपालिका गुल्मी, अपाङ्ग वाल अस्पताल बनेपा काभ्रे, सक्षम परियोजना गुल्मी, चक्रेश्वर अपाङ्ग समाज शान्पिुर गुल्मीको संयोजनमा गरिएको छ ।
जिल्लाका बिभिन्न ठाउँबाट आएका पूर्ण अशक्त अपाङ्गहरुको लागि ७ थान हुइलचियर, ५ थान बैशाखी, १ थान वार्कर, ५ जनाको लागि कृतिम हातखुट्ट मापन, ५ जनालाई उपचारको लागि अपाङ्ग बनेपा पठाउने गरी शिविर सम्पन्न भएको जनाएका छन ।
